«Тиилелгениң соңгалары» Бүгү-россия чергелиг акция май 1-ден 9-ка чедир үргүлчүлээр. Ол чыл санында онлайн-флешмоб хевирлиг эртип турар. Акцияга кандыг-даа кижи киржип болур.
Акция Ада-чурттуң Улуг дайынының чылдарында совет чоннуң маадырлыг чоруун хүндүлеп, хөй-ниитиге Тиилелге байырлалынга киржир арганы тургузуп турар.
Ук патриотчу хемчегге киржир негелдези: бажыңының азы квартиразының соңгазын Тиилелге хүнүнге тураскааткан чуруктар-биле чурааш, ону социал четкилерге маадырларга өөрүп четтиргенин илереткен сөстерлиг #ОкнаПобеды, #ЮнармияРТ деп хештегтер-биле салыр.
Тываның девискээринде кожуун-суурларның чурттакчылары ук акцияда идепкейлиг киржип эгелээнин социал четкилерден көрүп болур.
Алена НАН-ХОО

#окна_победы #тыва #мы_потомкигероев #деньпобеды #9мая #окнапобеды #мирные_окна #япомнюягоржусь #лучшедома #мыпомним #окнапамяти #гордимся #этонашапобеда #вместемысила #деньпобеды2021 #наследникипобеды #мывсеравноскажемспасибо #великаяпобеда #тыванын_аныяктары

Чуруктарны Интернеттен алган