«Кадыкшыл маршруду» губернатор төлевилели республиканың хоорай, суурларында уламчылап турар. Медицинаның аңгы-аңгы адырларындан специалистер Чаа-Хөл кожууннуң Ак-Дуруг суурунга чедип, чоннуң кадыкшылын хынаан.

Бо чылын губернатор төлевилели езугаар эмчи бригадаларының үнүүшкүннерин көвүдеткен. Бирги кварталда 3042 диагностиктиг шинчилээшкинни чоруткан түңнелинде, 54 % кижиде чүрек-дамыр аарыглары илерээн.

Эмчилер чурттакчы чонга бөдүүн дүрүмнерни сагыырын сүмелеп турар:

— шын чемненир, үстүг чемден ойталаар, ногаа, фрукт аймаан хөйнү чиир;

— удуурунуң чурумун сагыыр, сула шимчээшкиннери кылыр.

Мага-боттуң шимчээшкин чогундан база уйгу четпезинден дыка хөй аарыглар тыптып болур.

Тываның Кадык камгалал яамызының медээзинден.
Чурукту Интернеттен алган.