Бай-Тайга кожууннуң өг-бүле болгаш ие-чашка дузалаар социал төвүнде мөөңнээшкин езугаар кыйгыртканнарның өг-бүлезинге деткимче көргүзер оперативтиг штабты тургускан.
Ук кожууннуң девискээринде социал айтырыглар талазы-биле специалистер, херээженнер чөвүлелиниң кежигүннери, «Авырал» немелде өөредилге төвүнүң башкылары болгаш өскелер-даа оперативтиг штабка чыглып кээп, таалыңнарны даарап эгелээн. Оон аңгыда бай-тайгажылар тыва дайынчыларга бирги чергениң херек чүүлдерин чыып турар. Ооң иштинде чылыг хептер, камгалалдар болгаш өске-даа чүүлдер кирген. Таалыңнарны бөгүн 55-ки даг-адыгжы бригадазында чаңгыс чер-чурттугларынга дамчыдар.