Нижний Новгород хоорайга ажылчын аныяктарның бүгү Россия чергелиг шуулганы болуп эрткен. Аңаа Тывадан Ак-Довурак хоорайда «Аныяктарның бот-идепкей төвүнүң» удуртукчузу Аяна Алдын-Херел киришкен.

«Шуулганның кол-ла сорулгазы — Россияның регионнарынга аныяктар каттыжыышкыннарын тургузуп, ону сайзырадыры болур. Бүдүрүлгелерде болгаш албан черлеринде ажылчын аныяктарның депшилгезинге, бот-сайзыралынга хамаарышкан айтырыгларны чугаалашкан» — деп, Аяна Алдын-Херел Тыванын аныяктары/Молодежь Тувы редакциязынга дыңнаткан.

Мира КОНГУЛ-ООЛ.