Чаңгыс демниң күжү: «Энерел Сеткил» фондузу Дерзиг-Аксының интернадынга четкен

«ЭНЕРЕЛ СЕТКИЛ» ачы-дуза фондузунуң командазы Дерзиг-Аксы бажың-интернатка четкен. Дерзиг-Аксы бажың-интернадында кадыкшылының аайы-биле кызыгаарлыг кижилер чурттап турарын сагындыраал. Аныяк хөй-ниитижилерниң чугаалааны-биле алырга, кадыкшылының аайы-биле бергелерге таварышса-даа, олар чуртталгага ынак, шын сеткилинден өөрүп билирлер.

«Аарыг улустуң хөй кезии арыг, кайгамчык сагыш-сеткилдиг. Ишти-хөңнүнден хүлүмзүрүп, четтиргенин илереткен сөстерни чугаалап, хол тутчуп турдулар. Бо таварылгада кол чүүлдү билип алдывыс: оларга каас-чараш сөстерниң херээ чок, а чүгле бистиң кичээнгейивис чугула херек. Чоруп тургаш катап-катап хая көрнүп, ам база катап чедип келир бис деп билип турдувус» - деп, ачы-дуза фондузунуң удуртукчузу Айдын Шивидек демдеглээн.

Ол ышкаш республиканың ырак-узак черлеринде чурттап чоруур кижилеринге ачы-дуза, кичээнгей база чоннуң чаңгыс деми чугула херек дээрзин ол чугаалаан.

Мира КОНГУЛ-ООЛ белеткээн.
Айдын Шивидектиң хууда чуруктары