Уйгу чок Улуг-Хемим: культуравыстың база дылывыстың көрүнчүү

Улуг-Хем – тыва чоннуң сүлдези болгаш чүрээ болуп турар ыдыктыг хем. Төрээн чогаалда ооң овур-хевири кезээде кол черни ээлеп турар. Тыва чон бодунуң үндезин хем-суунга чүрээниң ханызындан чоргаарланып, «Улуг-Хемим» деп адап чоруур.

Бурунгу үелерден тура Улуг-Хем араттарның амыдыралының үндезини болуп келген. Ава кижи төлүн кавайынга өстүргени дег, ол бүгү тыва чонну азырап чоруур. Тыва чогаалчылар боттарының шүлүктеринде болгаш прозазында Улуг-Хемни үргүлчү алгап-мактап турар. Чогаалдарда хемниң агымы – үениң эрткенин болгаш тыва чоннуң быжыг туружун көргүзүп турар.Улуг-Хем тыва культураны болгаш бистиң дылывысты каттыштырып турар. Ол бисти төрээн дылывыс таварыштыр чуртувуска ынак болурунга өөредип чоруур. Бистиң Улуг-Хемивис кайы хире дааштыг агып чыдар-ла болза, тыва чоннуң амыдыралы кезээде сайзыраар.

Сайын-Белек Ховалыг,
Кызылдың 9 дугаар гимназиязының 8 «б» клазының өөреникчизи.
«Элээди журналист» бөлгүмү.
ГигаЧаттың чуруу