Төрээн дыл башкызы: Ие дылывыстың кадагалакчылары

Башкы – сылдыс ышкаш чырык орукту үндезилээн, ажы-төлге эртем-билигни дамчыдып чоруур эргим кижилер-дир. А тыва дыл башкылары – Ие дылывыстың кадагалакчылары.Мээң ынак башкымның адын Ульяна Александровна Стал-оол дээр. Ол тыва дыл болгаш чогаал башкызы. Башкывыс кижизиг бүдүштүг, эртеминге ынак, ажылынга бердинген, холунуң үжүү дыка чараш, угаанныы-даа кедергей.Тыва дыл кичээлдеринде ол бистиң сонуургалдарывысты оттурар, номга ынак кылдыр кижизидер. Аас болгаш бижимел чугаавысты сайзырадырынче улуг кичээнгейни салып чоруур.Ульяна Александровнаның сөстери чымчак. Ол бисти чүгле номчуур, бижиир эвес, а бодунуң чуртталгазындан, угаан-медерелинден үнген үнелиг сөстерни берип чоруур.

Соруктуг Ооржак,
Кызылдың 9 дугаар гимназиязының 8 «б» клазының өөреникчизи.
«Элээди журналист» бөлгүмү.
У.А. Стал-оолдуң хууда чуруу