🌸Тыва дылда
Көрүп орар, чугаалашпас кижи безин
Хөлзээшкинин чажырбайн, ыглай кааптар,
Хөй-хөй чонга бараалгаткан эртиневис,
Хөөмейивис үнген дөзү – тыва дылда!
Куйга баштың мээзинге чаңгыланып,
Кулаа кадыг кижи безин дыңнаксай бээр,
Сылдыстарже оккур ушкан согуннар дег,
Сыгыдывыс шыгаап салган тыва дылым!
Хаяалыг хүн чүректерни оттурган дег,
Карак четпес делгемнерни чырыдып кээр,
Кагбас, утпас ханывыста чаяанывыс,
Каргыраавыс тыптып өскен тыва дылым!
Төрел чонум төөгүлүг эртинези -
Төрүттүнген хөөмейивис чүрээвисте.
Тывызык дег хей-аът күжү бодувуста -
Тынывысты дыңналдырган тыва дылым!
Аңгыр-оол Хертек,
ТР-ниң Чогаалчылар эвилелиниң кежигүнү, хөөмейжи.
ГигаЧаттың чуруу
