Кызыл хоорайның Арбат шөлүнге «Таакпы чок чуртталга» акцияны Республиканың хөй-ниити кадыкшылы болгаш медицина профилактиказының төвү эрттирген. Акция үезинде кадык амыдыралды суртаалдавышаан, кижиге таакпының болгаш таакпы ыжының хоразының дугайында тайылбырлаан.

«Акция үезинде чурттакчылар мобилдиг эмнелге комплекстеринге кадыын хынадып алыр аргалыг болган. Аңаа маммограф, флюорограф болгаш мобилдиг ФАП-тың акушер-гинекологу ажылдаан. Оон аңгыда кадыкшылдың шөлчүгежин организастаан. Аңаа чигир, холестерин, хан базыышкынын хынап берип турган. Бо хемчегге Кызыл хоорайның эмнелге албан черлери идепкейлиг киришкен. Оон аңгыда эмчи-волонтерлар флешмобту эрттирген» — деп, төптүң кол эмчизи Белекмаа Монгуш чугаалаан.

Алена Нан-Хоо белеткээн.

#ЯзаНекурящуюРоссиюАты #РоссияНеКурит #ВсемирныйДеньБезТабака #РЦОЗМП_17