Чеже-даа үе берге болза, республиканың аңгы-аңгы булуңнарында идепкейлиг аныяктар ковид хамчыының үезинде улуг назылыг ларга дузалажып, эки турачы ажыл-чорудулгадан чыда калбаан. #Мывместе акцияга-даа, черле аныяктар ортузунда идепкейжилерге күрүне чергелиг шаңналдарны тывыскан. Оларның аразында Айдың Шивидек, Айдың Монгуш, Таңды кожуундан Белек Норбу дээш оондаа өскелер бар.
Белек Норбу – Таңдыда аныяктар хе рээниң талазы-биле специалист.
Ооң дугайында кысказы-биле таныштыраалы. Белек Норбу 2009 чылда Н.Ф. Катанов аттыг Хакас күрүне университединге үндүрүг болгаш үндүрүг онаар талазы-биле мергежилди чедип алган. Күш-ажылчы базымын Тываның Үндүрүг инспекциязындан эгелээн. Ажыл-амыдыралының аайы-биле Таңды кожуунче көжүп, аңаа кожуун чагыргазынга экономист кылдыр ажылдап кирген. Оон чоорту аныяктар политиказының талазы-биле консультант ажылче шилчээн.
Өг-бүлези
Б. Норбунуң ада-иези Ольга, Тараачы Хомушкулар Бай-Тайга кожуун чурттуг. Ам хүндүлүг дыштанылгада. Уругларының уругларының аразында аас-кежиктиг кырган-ава, кырган-ача. Белек 2 оолдуг, өөнүң ээзи Херел Норбу шагдаа шугумунда ажылдап чоруур. Хостуг үезинде Ол хостуг үезинде амданныг аъш-чем белеткээринге база аян-чорук кылырынга ынак.
Чуртталгазында кол чүүлдер
«Мээң чуртталгамда эң-не кол чүүлдер: өг-бүлем, оолдарым, чоок кижилерим болгаш ада-ием. Ынчангаш пандемия үезинде боттарыңарны камнап, чаныңарда кижилерге дузалажып чоруңар» — деп, ол демдеглээн.
Шаңнал-макталдары
2020 чылда Ниити-россияның #Мывместе акциязынга ак сеткилдии-биле үлүг-хуузун кииргени дээш Россияның Президентизиниң тураскаалдыг медалы база Грамота-биле шаңнаткан. Бо чылын аныяктар херээнге киирген үлүг-хуузу база чедиишкинниг ажылы болгаш аныяктарның хамааты идепкейин хевирлээринге ужур-дузазы дээш Аныяктар херээниң талазы-биле федералдыг агентилелдиң Өөрүп четтириишкин бижиинге төлептиг болган.
Алена НАН-ХОО.
#молодежь #агентствоподеламмолодежи #танды #тыванын_аныяктары
