Бии-Хем кожууннуң Найырал арбанында «Эзирлерниң уязы» төлевилел езугаар спортчу залды ажыткан. Ооң тудуунга тус черниң чурттакчылары идепкейлиг киржип, боттарының ажы-төлүнге, уйнуктарынга чараш өргээни тудуп бергеннер.
«Эзирлерниң уязы» губернатор төлевилели бичии суурларга кончуг таарымчалыг. Чамдык көдээ суурлар чурттакчы чонунуң саны-биле дыка хөй төлевилелдерже кирбейн барып болур.
Бии-Хем кожууннуң бичии эзирлериниң ортузунга (5-6 хар) хүреш маргылдаазы эрткен. Чаштарның турниринге деткикчилер санынче кирип, оларның чараш хүрежин көөр аас-кежиктиг болдум. Бичии эзиржигештерден улуг эзирлер бедиктерже ужуп үнер болзун. Олар бистиң камгалакчыларывыс, чоок кижилериниң бүзүрелдиг чөлеңгиижи болуп өзүп доругар» — деп, ТР-ниң ДХ-ның депутады Аяна Монгуш бодунуң блогунда бижээн.
Мира КОНГУЛ-ООЛ.
Чуруктар А.Монгуштуң.
