Бии-Хем кожууннуң Аржаан сумузунунң хой чуур оңгачага суму чагыргазының удуртулгазы-биле, аалдарның хоюн 2 хонук улаштыр чугдурган.
Малды аңгы-аңгы аарыглардан камгалаарының совет үеде эрги аргаларын амгы үениң малчыннары, кожууннуң мал эмчилери болгаш Аржаан суму чагыргазының коллективи ажыглап, кагдынган оңгачаны эр хиндиктиг чоннуң деткимчези-биле септээш, 3 дугаар чыл улай ажыглап уламчылап турар.
Аңаа сумунуң мал эмчизи Аяна Маадыр- ооловна, «Кыштаг» деп төлевилелдиң киржикчилери база Аржаан, Тарлаг сумуларның малчыннары, хууда малчыннар хойларын чугган.
