Өг-бүле чылында «Чаш назынның навигаторлары» федералдыг төлевилелдиң боттандырылгазының регионалдыг курлавыр төвү база чурттуң кинематографиязының социал болгаш экономиктиг деткимчези федералдыг фонд, «Найырал» кинотеатры-биле кады «Испытание аулом» деп комедияның коллективтиг көрүлдезин организастаан.
«Кинода болуушкуннар виртуалдыг болгаш херек кырында байдалдың деңин тударынга чугула херек. Оон аңгыда берге таварылгаларда бодунуң ызыгуурун медереп билиринге дузалыг. Фильмде чонунуң ук-төөгүзүн хүндүлеп, ону салгалдарга дамчыдып, төрээн дылын болгаш культуразын эки билири чүге херегин көргүскен. Оон аңгыда езулуг найырал, эрес-дидим чорукту көргүскен» — деп, Кызылдың 1 дугаар школазының кижизидилге талазы-биле директорнуң чөвүлекчизи Наира Балян демдеглээн.
Тываның Өөредилге яамызының медээзинден.
