Яна Монгуш: регионда тергиин юрист

Яна Монгуш Кызыл хоорай судунда дузалакчы болуп ажылдап чоруур. Ол 2025 чылда «Тыва Республиканың тергиин юризи» мөөрейге бирги черни ээлээн. «Мергежилиниң эң-не тергиини – юрист» мөөрейни ук мергежилдиң деңнелин болгаш ат-алдарын бедидер сорулга-биле эрттирип турар. Оон аңгыда ол аныяк специалистерниң профессионал арга-мергежилин бедидеринге дузалыг болгаш, үре-түңнелдиг ажыл-ижи дээш деткимчени көргүзеринге, юрист мергежилдиглерниң ортузунга харылзажырының таарымчалыг шөлчүгежи болур. «Тыва Республикага Юристиң хүнүн таварыштыр эрттирген мөөрейге аныяк специалист Яна Монгуш тиилекчи болганы өөрүнчүг. Яна Мергеновнага байырывыс чедирбишаан, ажыл-ижинге моон-даа соңгаар чедиишкиннерни күзеп тур бис» - деп, коллегалары бижээн. Мира Конгул-оол. Чурукту социал четкилерден алган. #закон_общество