Вируска удур эмнер өртээ өзүп турар

Аптекаларда эмнер өртээн башкарары-биле, Тываның экономиказы яамызы ажылды чорутканын сайыт Дайынчы Ондар дыңнаткан. Чамдык эмнер 8 хууга өскен. Бо чүүл колдуунда арбидолга хамаарышкан. Вируска удур эмнер бо хүнде ховартаан. Үүрмектей садар рынок таварыштыр чедишпес эмнерни чагыдары-биле ажылды чорудуп эгелээн. Эрзин кожуунда чаңгыс-даа аптека чок. Чаңгыс аптеказы ажылдавайн барган. «Эмнер ховартай бергенин демдеглеп алган-дыр силер. Ону эдери-биле кандыг ажылдар кылдынганыл? Оон өске ажылдаарының кандыг чурумнарын тургустуңар? Мээң билирим-биле «Манла» аптека четкилеринде вируска удур эмнер өртээ аартаан Эмнер өртээн өстүрүп турар болза, ындыг аптекаларның лицензиязын хавырарынга чедир хемчеглерни көрүңер» - деп, Шолбан Кара-оол экономика яамызының сайыдынга дааскан. #тыва #аппаратноесовещание #чазакхуралы #стопкоронавирус #тыванын_аныяктары_сылдысчыгаш