«Вам, любимые🌺». Тываның Баштайгылары бүгү Россияның акциязынга идепкейлиг киржиринче аныяктарны кыйгырган

«Вам, любимые» - бүгү делегейниң херээженнер хүнү, март 8, байырлалынга тураскааттынган акция. Ооң бирги (кол) хевиринде: акцияның киржикчилери, өөреникчилер, дагдыныкчылары-биле кады чараш открыткаларны кылыр мастер-класстарны организастаар. Ооң соонда открыткаларын кырган-аваларынга, аваларынга, угбаларынга, башкыларынга база байырлал хүнүнде ажылдап турар кыс чонга белекке бээр. Ийиги хевири: «Семейный десерт» - киржикчилер өг-бүле рецептизи езугаар ынак чемин белеткээр. Үшкү хевири: «Великие женщины» - киржикчилер регионнуң билдингир, ат-сураглыг херээжен чону-биле ужуражылгаларны эрттирер. Баштайгыларның медээзинден Мира Конгул-оол белеткээн.