В. Путинниң эгелээшкини-биле өг-бүле деткимчезинче немелде күштү мөөңнээр

#өг_бүле_чылы Республикага болуп эрткен «Родные – любимые» шуулганга хамаарыштыр Тываның Баштыңы Владислав Ховалыг бодунуң блогунда бижээн. Владислав Ховалыг, Тываның Баштыңы: - «Родные – любимые» шуулган-биле чурттуң Президентизи Владимир Путинниң чарлааны Өг-бүле чылы Тывага ажыттынган. Ие-чаштың деткимчези, өг-бүле институду Россияга социал политиканың кол угланыышкыны болуп арткан. Владимир Владимировичиниң эгелээшкини-биле күрүне ам өг-бүле деткимчезинче немелде күштү мөөңнээр. Амгы үеде федералдыг Чазак Россияның 2030 чылга чедир демографтыг болгаш өг-бүле политиказын тодаргайлаан стратегтиг документини ажылдап кылып турар. Регионнарның арга-дуржулгазын ажыглаар. Бисте өг-бүле чаңчылдары күштүг артканы-биле, ол чүүл Тывага кончуг чугула. Алена Нан-Хоо белеткээн.