Улуг Тиилелгениң хүнүнге

Республиканың немелде өөредилге сайзыралының төвү "Улуг Тиилелгениң хүнү" деп чурук мөөрейин чарлаан. Мөөрейге школачылар, немелде болгаш ортумак өөредилге черлериниң сургуулдары болгаш кадыкшылының аайы-биле харык-шинээ кызыгаарлыг уруглар база башкылар, кижизидикчилер киржип болур болгаш, назы-хар аайы-биле дараазында бөлүктерге чардынган: уруглар садтарының чаштары, эге класс өөреникчилери, ортумак класстарның өөреникчилери, үстүкү классчылар, ортумак өөредилге черлериниң сургуулдары, башкылар болгаш кизижидикчилер. Чуруктарны апрель 28-ке чедир хүлээп алыр. Мөөрейни май 2-4 хүннеринде түңнээр. Ажылдарны дараазында адреске дужаар: Кызыл хоорай, Московская кудумчузу, бажың 44 , кабинет № 1. Мира КОНГУЛ-ООЛ белеткээн. #9мая