ТывКУ-нуң студентизи Олчана Бойду «Стажер Минобрнауки России» мөөрейниң түңнел чадазынче кирген

Олчана Бойду – ТывКУ-нуң физика-математика факультединиң студентизи. Ол «Стажер Минобрнауки России» мөөрейниң түңнел чадазынче киргенин регионнуң Өөредилге яамызы дыңнаткан. Мөөрейниң тиилекчилери Москва хоорайга Россия Федерациязының Өөредилге болгаш эртем яамызынга ийи ай дургузунда стажировканы эрткеш, «Өөредилге адырында удуртукчу» деп билиин бедиткениниң дугайында дипломну алыр. Олчана Бойду «ТывКУ-нуң тергиин доозукчузу – 2025» мөөрейниң «Көрүкчүлерниң үнелели» номинацияга тиилээн. Өөредилгези-биле чергелештир Кызыл хоорайның 17 дугаар школазында ажылдап, харын-даа бодунуң бизнезин сайзырадып турар. Оон аңгыда эртем-шинчилел ажылдарын кылып, олимпиадалар, конференцияларга доктаамал шаңналдыг черлерни алгылаан: физикага бүгү Россияның студенчи олимпиадазынга бирги турунга II черни ээлээн, «Эртем 0+» бүгү Россияның фестивалынга II чергениң диплому, «Бистиң чазывыс» эртем болгаш чогаадыкчы чоруктуң фестивалынга II чергениң дипломунга төлептиг болган. #СтажерМинобрнаукиРФ