Тываның Студентилер эвилелиниң чаа составы чыылган

Тываның Студентилер эвилелиниң чаа составы чыглып, бот-боттары-биле танышпышаан, ажыл-чорудулгазының кол-кол угланыышкыннарын сайгарып чугаалашканнар. Студентилер боттарының талазындан идепкейлиг болуп, креативтиг санал-бодалдарын кииргеннер. Чаа кежигүннерге Самир Аспан-оол организацияның дугайында таныштырылганы кылган. Дараазында ужуражылга сентябрь 21-де болур. "Студентилер эвилелиниң кежигүнү болур күзелдиг аныяктарны чалап тур бис. Бо чоокку үеде эвилелдиң вице-президентилерин бадылаар. Оон аңгыда кижи бүрүзүнүң кылыр ажылдарын хуваап алыры чугула" - деп, Самир Аспан-оол дыңнаткан. Мира КОНГУЛ-ООЛ белеткээн. #СоюзстудентовТувы #студентытувы2022