Тываның школалары капиталдыг септелгеде: Шагаан-Арыгның №2 школазы

Шагаан-Арыг хоорайда дугаары 2 школада капиталдыг септелге эгелээн. Ол - кожуунда улуг школаларның бирээзи. Капиталдыг септелгени ук школага чорудары-биле, ажык мөөрейни "ЭнергоАудит Юг" тудуг организациязы ойнап алган. Подрядчик тудуг материалдарын садып эккеп, школаның иштики эжиктерин бузуп, септелге ажылының баштайгы ажылдарын чорудуп турар. Чоокку хүннерде крышазын чазып, ооң ооргаларын чаарткаш, демир черепицаны салыр. Септелге ажылында ниитизи-биле 35 ажылчын бар. Школада координастыг төптү тургускан. Ол капитал септелгениң канчаар чоруп турарын хүн бүрүде хынаар. ТР-ниң Өөредилге яамызының медээзинден Мира КОНГУЛ-ООЛ белеткээн.