Тываның келир үедеги башкылары: Студотрядтарның дайынчылары «Вожатые Первых» төлевилелдиң мөөрейинге тиилээн
«Вожатые Первых» каттыжылганың кадрлар курлавырынче ТывКУ-нуң студенчи отрядтарындан 6 кижи киргенин сагындыраал. Олар «Для меня быть вожатым Первых – это…» деп темага видеороликти кылгаш, тиилекчилерниң санынче кирген. Оон аңгыда студентилерниң портфолиозу тергиин болган.
Алесия Иргит, Долаана Жукова, Екатерина Тюмерекова, Радмила Ондар Даяна Тажи, Лагба Кужугет - уруглар-биле ажылдаарынга ынак, кызымаккай, бурунгаар чүткүлдүг аныяк кижилер. Оларны келир үениң езулуг башкылары деп санап болур.
Республиккада студенчи отрядтарның кежигүннери - Баштайгыларның федералдыг болгаш регионалдыг ажыл-чорудулгазының идепкейлиг киржикчилери.
Тыванын аныяктары/Молодежь Тувы
