Тываның девискээринде куш гриви тывылган

Тываның 2 кожуунунда чидиг вирус инфекциялыг куш гриви илереттингенин сагындыраал. Өвүр болгаш Бии-Хем кожууннарның девискээрлеринде черлик дириг амытаннарның аразындан вирус тывылган. Шинчилелди «Дириг амытаннарның кадыын камгалаар федералдыг төп» Тывада, Хакасияда, Кемеров облазының Роскөдээ ажыл-агый хайгааралының Эргелели-биле кады демнежип кылган. H5 хевирниң вирузу Убсу-Нур база Белое хөлдерниң куштарында бар болган. Ында хөл чайказы, кызыл баштыг куш (нырок), бичии поганка, чирбээштиг чернеть, баклан база чомга деп куштарда аарыг илереттинген. Куш азырап турар хамаатыларны азырал куштарын хайгаарал чокка хөлдерже үндүрбезин сагындырып турар. Бир эвес кандыг-бир чылдагаан-биле куш аараан азы өлген болза, ветеринарлыг албан черинге дыңнадыр. #тыванын_аныяктары #птичийгрипп