Тываның чурттакчылары Россия хүнүн спортчу, билиишкинниг база культурлуг болуушкуннар-биле демдеглээр

Кызылда Россия хүнүнге тураскааткан хемчеглер эгелээн. Республиканың муниципалитеттер аразынга республика спартакиадазының түңнел кезээ июнь 6-да эгелээн, Чазак бажыңынга регионнуң болгаш чурттуң хөгжүлдезинге улуг үлүг-хуузун киирген аңгы-аңгы адырның ажылдакчыларынга күрүне шаңналдарын тыпсыр езулал июнь 9-та болуп эртер. Россия хүнүнде, июньнуң 12-де, хоорайның микрорайоннарынга культура-хөглээшкинниг хемчеглерни организастаар, Арбат шөлүнге билдингир күүседикчилерниң болгаш чогаадыкчы коллективтерниң киржилгези-биле улуг концерт болур. Чаңчыл езугаар республиканың элээди оолдар, кыстарынга Россия Федерациязының хамаатызы болганының паспорттарын тыпсыр. Россия хүнүнге тураскааткан хемчеглер планы Июнь 9-та 11.00 шакта – Күрүне шаңналдарын тыпсыр байырлыг езулал – ТР-ниң Чазак бажыңынга. Июнь 9 - 12 хүннеринде «Российжи триколор» бүгү-росийжи акция – республиканың профессионал өөредилге черлеринге. Июнь 10-да 16.00 шакта – Россия хүнүнге тураскааткан «Мээң Россия» концерт программазы – Арбат шөлүнге. Июнь 12-де 10.00 шакта – Россия Федерация биле Тыва Республиканың туктарын киискидер байырлыг ёзулал, республикада чурттап турар даштыкы хамаатыларга Россияның паспорттарын тыпсыры – Арбат шөлүнге. 11.30 шакта – «Работа России» консультация пунктузунуң ажылы, Күрүне ачы-дузалары/Госуслуги (ЕСИА) сайтыга учет бижидилгезин бүрүткедири, баыткаары база катап тургустурары, керээлиг албанче шилилге – Арбат шөлүнге. 12.00 шакта – Россия хүнүнге тураскааткан байырлал концерти – Арбат шөлүнге. 12.00 шакта – Россия хүнүнге тураскаткан чадаг-тергелиг чарыш – Кызыл хоорайның кадыкшыл кокпазынга. Өг-бүле болганының байырлыг бадылажылгазы – Кызыл хоорайда база Кызыл кожуунда ХАББ органнары. 10.00 шакта – «Мээң Россиям» станцияларга оюн-тоглаа – Аныяктар сесерлиинге. 14.00 шакта — «Төрүттүнген хүнүң-биле, эгээртинмес чуртум» байырлалдың культура-билиишкинниг үнүүшкүннүг программазы – Аныяктар сесерлиинге. 14.00 шакта – Россия хүнүнге тураскааткан байырлал концерти база В.М. Халилов аттыг Тываның күрүне филормониязының 54-кү концерт сезонун хаары – Аныяктар сесерлиинге. 16.00 шакта – «Мээң Россиям» байырлал концерти – Аныяктар сесерлиинге. 17.00 шакта–«Классиктиг балет кежээзи» концерт - В.М. Халилов аттыг Тываның күрүне филормониязынга «Триколор» акция – Арбат шөлүнге. Тыва Чазак