Коммунал ачы-дуза база чуртталга оран-савазы дээш төлевирин саадатканынга хөөлерни санап база тырттарын хораан Тываның чурттакчы чонунуң даңзызынче национал гвардия шериглеринде албан эрттирип турар эки турачыларны база киирген. Республика баштыңы Владислав Ховалыг октябрь 9-та ол дугайында айтыышкынга атты салган.
Ооң мурнунда ындыг чиигелдени чүгле тускай шериг операцияларының киржикчилери, Россияның Чепсектиг Күштериниң составында эки турачылар база чурттуң девискээринде чепсектиг халдаашкыннарны чайладырынга киришкен кызыгаар камгалакчылары ажыглап турганын сагындыраал. Ам ону национал гвардияга эки тура-биле дузалажыр керээни чарган хамаатылар база ап болур апарган.
Чурттуң Президентизи чепсектиг чөрүлдээлер, террорга удур операциялар болгаш Россиядан дашкаар нацгвардияның шериглерин ажыглап, мобилизация, шериг чуруму, дайынчы хөделиишкиннер үезинде аңгы даалгалар күүседиринге хаара тудар эки турачы бөлүктерни хевирлеп тургузар эргени Росгвардияга берген соонда, чиигелде алыкчыларының даңзызын калбартыры негеттинип келген.
Чуртталга-коммунал ачы-дузазы дээш төлевирлерни саадатканынга салган торгаалдардан хостаан чиигелделер алыр кижилер даңзызынче ол хамаатыларның өг-бүле кежигүннерин база киирген. Коммунал ажыл-агыйлар, башкарыкчы компаниялар, бажың ээлери, хөй квартиралыг бажыңнарның капиталдыг септелгезиниң регионалдыг фондузу төлевир хуусаазын үрээни дээш торгаал салырын чарлык-биле хораан.
тыва чазакТываның Баштыңы Национал гвардияның эки турачыларынга болгаш оларның өг-бүлелеринге чурттаар оран-сава болгаш коммунал ачы-дуза дээш төлевирлерни саадатканынга хөөлерден хостаан
Оценили 3 человека
