«Тываның аныяктары» солуннуң редакциязы – «Хоойлу болгаш ниитилел» мөөрейниң тиилекчизи

Шүүгү органнарының «Хоойлу болгаш ниитилел» мөөрейинге республиканың массалыг информация чепсектериниң ажылдакчыларының ортузунга бирги черни «Тываның аныяктары» солуннуң кол редактору Мира Конгул-оол ээлээн. «Тываның аныяктары» солуннуң редакциязы шүүгү органнының мөөрейинге идепкейлиг киришпишаан. Рубрикавыстың маадырлары боттарының амыдыралчы оруун аныяк-өскенге таныштырып, элээдилер ортузунга кем-херек болдурбазының талазы-биле хемчеглерге киржилгезин болгаш аныяктарга мергежил шилип алырынга арга-сүмезин кадып турар. Шүүгү органнарының ажылдакчыларының школачы болгаш студенчи чылдарындан сактыышкыннар, баштайгы күш-ажылчы базымнары «ТА»-ның аныяк номчукчуларынга үлегер-чижектиг болбас арга чок. Мөөрей чыл санында эртип турар болгаш, бистиң редакциявыс ооң доктаамал киржикчизи болуп, удаа-дараа шаңналдыг черлерни ап турар» - деп, «Тываның аныяктары» солуннуң кол редактору Мира Конгул-оол демдеглээн.