Тываның алдарлыг аът соодукчузу – Александр Маады

Россия хүнүнүң бүдүүзүнде Тываның Баштыңы Владислав Ховалыг республиканың болгаш чурттуң хөгжүлдезинге үлүг-хуузун киирип чоруур аңгы-аңгы адырларның ажыл-ишчилеринге күрүне шаңналдарын тывыскан. Бии-Хем кожууннуң Аржаандан беш ажы-төлдүг үлегерлиг ада, хөй-ниитижи, идепкейжи Александр Маады “Тыва Республиканың алдарлыг аът соодукчузу” деп хүндүлүг атка төлептиг болган. Александр Маады школаны 1991 чылда дооскаш, оон бээр хууда малын тудуп чоруур. Өг-бүле суурдан ырак эвес Көшпей деп черде аалдыг. Маадыларның өг-бүлези ачы-буян акцияларының доктаамал киржикчилери, олар тускай шериг операциязында киржип турар дайынчыларны деткип турар.   Чурук болгаш медээ ТМГ