Тывада часкы үерге хамаарыштыр байдал экижээн

Бо дугайында Россияның Онза байдалдар яамызының ТР-де кол эргелелиниң начальниги Алексей Артемов бөгүн чазактың аппарат хуралынга дыңнаткан. Ындыг-даа болза республиканың девискээринде 16 бажың чанының участоктары, 9 чуртталга бажыңнарын суг алган хевээр. Оон аңгыда 21 дача участоктары база 1 дача бажыңы сугда. «Эрткен неделя дургузунда Тывада Онза байдалдар яамызының биле Хамааты камгалалы болгаш онза байдалдар албанының ажылдакчылары 10 бажың чанының, 2 чуртталга бажыңының, 2 дача участогунуң, 5 дача бажыңының, Кызыл – Сарыг-Сеп оруунда 1 участокту сугдан камгалаан» - деп, А. Артемов илеткээн. #аппаратноесовещание #тыва #мчс #гочс #паводок #тыванын_аныяктары