Тыва парламентиниң депутадындан 2 млн ажыг акша дузаламчы

Тыва парламентиниң депутады Сергей Уюсов долу эвес мобилизация езугаар тускай шериг операциязынче кыйгыртканнарга 2,6 сая акшага дузалаан. Ол дугайында ТР-ниң парламентизиниң парлалга албаны дыңнадып турар. ТР-ниң Дээди Хуралының депутады, "Восток" КХН-ниң чиңгине директору Сергей Уюсов долу эвес мобилизация езугаар кыйгырткан хамаатыларның дилээ-биле, эң-не күштүг DJI Mavic3 квадрокоптерни саткан. Ол – шупту угланыышкыннар-биле ажылдаар техниктиг херексел. Оон аңгыда Сергей Уюсов тыва дайынчыларның шериг хептерин, «Heron» квадрокоптерни сатпышаан, "Содействие" ачы-дуза фондузунче 2 сая рубльди шилчиткен. Ук ачы-дуза фондузу долу эвес мобилизация езугаар кыйгарткан тыва дайынчыларга деткимчени көргүзүп турарын сагындыраал. Мира КОНГУЛ-ООЛ белеткээн.