Тыва оолдарның тырттырган кинозу: «Бардо» Чебоксарының Бүгү-делегей чергелиг кинофестивалынче чалаттырган

XIII Чебоксарының Бүгү-делегей кинофестивалы этниктиг болгаш регионнарның кинозунга тураскааткан. Чуваш Республикага ук кинофестиваль октябрь 30-ден ноябрь 4-ке чедир эртер. А мөөрейже кирип турар киноларны октябрь 31-ден ноябрь 4-ке чедир көргүзер. Фестивальда ниитизи-биле 35 кинофильмнерни киириштирген. Ону 2 аңгы секцияга чарган – оюн-тоглаалыг кино база этниктиг кино. Этниктиг секцияда тыва кинодан аңгыда, 23 картина фестивальдың кол шаңналы «Анне» дээш демисежир. «Бардо» фильмни фестивальга Виталий Петров төлээлээр. Ол – сценарийниң автору болгаш продюсер болурундан аңгыда, амгы үеде «Тывамедиабөлүктүң» кол редактору. «Ролан Ооржактың тырттырган кинозу-дур. Ол бир дугаар бүгү делегей чергелиг кинопрокатче үнүп турары бо. Амгы үеде ону иви, ТВзавр, мегого онлайн-кинотеатрларларга көрүп болур» - деп, Виталий Петров #Тыванын_аныяктары солуннуң штаттан дашкаар корреспондентизинге чугаалаан. Алена НАН-ХОО https://vk.com/kinocap https://kino-cap.ru/ https://vk.com/film_bardo https://www.ivi.ru/watch/419254 https://www.kinopoisk.ru/film/1359036/ #ЧебоксарскийМеждународныйКинофестиваль #ЧМКФ2020 #ЧМКФ #тывакино #тыванын_аныяктары