Тыва дылым – чоргааралым

Шагдан бээр кижилер бодалдарын солчуп, боттарының сагыш-сеткилин илередир болгаш медээни чүгле шимчээшкиннер-биле эвес, а дыл дузазы-биле дамчыдар. Төрээн дыл – бистиң салгалывыс-тыр. Хөй чүс чылдар дургузунда ол хевирлеттинип, долгандыр болуп турар бүгү чүвени бодунга сиңирип, чоннуң бодалдарын болгаш сагыш-сеткилин, ооң сагыш човаашкыннарын илередип келген. Бодунуң дылының патриоттарының күш-ажылы аажок улуг ужур-дузалыг. Ол дээрге сурагжаан чогаалчылар, шүлүкчүлер, эртемденнер-дир. Мээң төрээн дылым – тыва дыл. Тыва дылымга аажок ынак мен, чүге дээрге ол – байлакшылдыг, уран-чечен, онзагай дылдарның бирээзи. Ангелина САЛЧАК, Кызылдың 9 дугаар гимназиязының 9 «а» клазының өөреникчизи. «Элээди журналист» бөлгүмү #челлендж #тыва_дылым_чоргааралым Чурукту Интернеттен алган