Тыва: Аян-чорукчуларның сонуургалын хаара туткан

Эрткен чылга деңнээрге, Тываже 26 хуу хөй туристер келген. Оларның ниити саны 175 муң четкен. Россияның иштинде аян-чоруктар көвүдеп, туристер каас-чараш черлерни сонуургап, катап-катап кээп турар. А Тываның онзагай бойдус-чурумалы, үндезин чоннуң культуразы, езу-чаңчылдары аалчыларны сонуургатпас арга чок. Тываже өг-бүлези-биле-даа, чааскаан-даа кээп турар аян-чорукчулар бар. Россияда эң-не нептереңгей турисчи черлерге Байкал, Алтай, Крым, Питер хамааржыр. А бистиң регион каас-чаражы, чиик өртектери болгаш айыыл чогу-биле аян-чорукчуларны хаара туткан. Чуруктарны социал четкилерден алган. А.Нан-Хоо белеткээн.