Туранның аныяктары маскировка четкилерин тускай шериг операциязының киржикчилеринге белеткеп турар

Бии-Хем кожууннуң чагыргазының дыңнатканы-биле алырга, Аныяктар төвүнде Туранның #Движение_первых тус чер салбырының идепкейжилери маскировка четкилерин тускай шериг операциязының киржикчилеринге белеткеп турар. Туранның 1 дугаар школазының өөреникчилери Адэля Седип, Светлана Аракчаа база Амалия Седип эштеринге үлегерин көргүскен. Уруглар Бии-Хем кожуунда ук организацияның специализи Алдынай Кууларның удуртулгазы-биле ажылдап турарлар. Маскировка четкилери дайынчыларның амы-тынын камгалаарынга чугула херек. Тыва дайынчыларга ачы-дуза кадарынга боттарының үлүг-хуузун киирип турарынга школачылар чоргаарланып турар. Алена Нан-Хоо белеткээн. Бии-Хемниң чагыргазының чуруктары.