Туран хоорайга Масленицаны чаа паркка эрттирген
Кышты үдээриниң байырлалы - Масленицаны үрде манаан чон чаа туттунган паркка өөрүшкү-маңнайлыг чыглап келген. Хоорайның чурттакчылары база бичии чаштар янзы-бүрү хемчеглерге, оюннарга идепкейлиг киришкеннер.
Чаңчыл езугаар аъш-чем ярмарказын организастаан болгаш, өрегелерниң тергиин блиннерин делгээн. Маңаа Бии-Хем кожууннуң төп эмнелгези тергиидээш, блиннер мөөрейиниң бирги черинче үнген.
Оон аңгыда спортчу маргылдаалар чидиг-чидиг эрткилээн. Тиилекчилер шаңналдарга төлептиг болган.
А байырлалдың түңнел кезээ - Масленицаның хоюткузун өрттедир чаңчылды чурттакчы чон сонуургаан.
Туран хоорайда Бирги орус чоннуң парыгын "Оран-сава болгаш хоорай хүрээлели" национал төлевилел езугаар тутканын сагындыраал.
А. Нан-Хоо
