Тожунуң 3 суурунда соталыг харылзаа болгаш дүрген мобилдиг интернет ажылдай берген

Кожа-хелбээ регионнардан суг туризмин сонуургаар болгаш балыктаарынга ынак туристерниң сонуургалын оттуруп турар ыраккы Тожу кожууннуң 3 суурунда интернет харылзаазын тургускан. Бир дугаарында дүрген мобилдиг интернет тус черниң чурттакчы чонунга – ивижилерге болгаш аңчыларга чугула херек. Чоокку үеге чедир кожуунга соталыг харылзаа чүгле кожуун төвүнге турган. Ооң соонда МТС компаниязы Адыр-Кежиг база Ий, Салдам суурларны соталыг харылзаа-биле хандырган. Май айда Тожу кожуунда чаа көвүрүгнү ажыткан. Ооң мурнунда чылдарда паром дузазы-биле кежип турган. Бо чайын ырак-узак кожуунче транспорт дузазы-биле бергедээшкиннер чокка аргыжар арга тургустунган. ТР-ниң Культура болгаш туризм яамызының баш бурунгаар санап турары-биле алырга, Тожуга дыштаныр күзелдиг туристерниң саны 60-70 хуу өзер ужурлуг. Тыванын аныяктары/Молодежь Тувы