Тоора-Хемниң башкызы федералдыг марафонга киришкен

Москвага «Знание.Первые» федералдыг чырыдыышкын марафону эрткен. Аңаа Тоора-Хем ортумак школазының башкызы Чаян Хертек киришкен. Марафоннуң кол темазы – Россияның келир үезиниң овуру. Ооң программазының үндезини – кызыгаар чок арга-шинектер. Чурттуң аныяктарынга чаа чаартылгалар болгаш чаңчылдар аяннаштыр кады чоруур, а кижи бүрүзү хөгжүлдеже бодунуң оруун тывар. «Башкы кижи болганымда, Россияның чырыдыышкын сайыды Сергей Кравцовтуң сөстерин чүүлдүгзүндүм: салым-чаяанныг аныяктарны чүгле улуг хоорайларга болгаш төптерге эвес, а Россияның эң-не кыдыг-кызыгаар булуңнарынга деткиири чугула. Ооң бодалы-биле алырга, идепкейлиг аныяктар чуртувуска салым-чаяанын ажыдып, дээди өөредилге черлеринче кирип, чурттуң бүдүрүлгелеринге ажылдап, шинчилел ажылдарын кылып, эртем адырын бурунгаар хөгжүдер ужурлуг» - деп, Чаян Хертек демдеглээн.