Тиилелге делгереп тур!
Өөвүске бөгүнгү ышкаш
Өөрүшкү белен турбаан.
Дидим солдат – Тиилелге
Тиилекчини аалдап келген:
Оңа берген, ынчалза-даа
Хир-чам дегбээн шинель тонун
Оожум чоргаар уштуп салгаш
Хлевин чип, хөөреп олур.
Эрес маадыр шырайында
Эрткен оруу чуруттунган.
Кежээ-шоваа карак шоонда
Келир үе чайыннанган.
Бажын, сана: оглу, кызы
Барыын болгаш Чөөн чүктен
Чанып келген. Тиилелге бо
Чаагай чуртта делгереп тур!
1945
