Теве кыргылдазының фестивалы болуп эрткен

Май 2-ниң хүнүнде Кызыл кожууннуң Баян-Кол сумузунга теве кыргылдазынга тураскааткан онзагай фестиваль эрткен. Фестиваль чоннуң усчу ажылдарын болгаш культурлуг салгалдарын сонуургаар кижилерге езулуг байырлал болган. Байырлыг ажыдыышкын соонда, теве кыргыыр мөөрей эгелээн. Уран талантылыг мастерлерниң арга-дуржулгазы болгаш шалыпкыны теве кыргылдазын уран чүүлче хуулдурган. Киржикчи бүрүзү арга-дуржулгазын, шалыпкынын бараалгаткан. Оон аңгыда теве дүгүнден кылыглар мөөрейи база болган. Ус-шеверлер боттарының онзагай ажылдарын көрүлдеге киириштирген. Ында чадыглар, идик-хеп, каасталгалар дээш чүү-даа бар. Фестивальга Улуг-Хем кожууннуң Эъжимден 17 киржикчи келгенин сагындыраал. Кызыл кожууннуң медээзинден Мира Конгул-оол белеткээн. Видеоматериалды Кызыл кожууннуң социал четкилерде бөлүүнден алган. #көдээажылагый