Тес-Хемниң уруглар поликлиниказында капитал септелгени кылган
ТА
#нацпроекты
"Кадык камгалалы" национал төлевилел езугаар Тес-Хем кожууннуң уруглар поликлиниказында капитал септелгени кылган.
Республиканың девискээринде дыка хөй албан черлериниң оран-савазы эргижирээни чажыт эвес. Өскээр чугаалаарга, чаа үениң шынарлыг эмчи дузазын чедирериниң негелделеринге дүүшпес. Септелгени чүгле медицина ачы-дузазын экижидер дээш эвес, а чонга таарымчалыг байдалды тургузары-биле кылып чоруткан.
Уруглар эмнелгезиниң чаартылгазын кылган соонда, ында чырык, чараш шиник кирген. Чаштарга эмчи дузазы чедирери-биле, эмнелгеде 3 педиатр участогу ажылдап турар. Ниитизи-биле Тес-Хем кожуунда 3200 уруг чурттап турар, оларның аразында 1 хар четпээн 100 уруг бар.
