Тес-Хемде мал чеми чедер

Тес-Хем кожууннуң чагыргазының даргазы Чингис Тогаачы амыдырал-хандырылга объектилерин хынаан. «Бир дугаарында, көдээ ажыл-агый эргелелинге четтим. Ында капитал септелге чоруп турар. Септелгени декабрь ортан үезинде доозарын планнаан. Чаа чылды арыг-силиг, септеттинген оран-савага уткуурлар. Эжик аксында өрээлде ажылчын Айлана угбай-биле ужураштым. Малчын кыштаглардан келген ишчилер аңаа чылнып, дыштанып ап болур. Оон аңгыда мал чеминиң курлавырын хынап көрдүм. Сиген-даа, сула-даа чедер кылдыр белеткеттинген. Харын-даа специалистер суланы малчыннарга чиик өртекке садар деп планнап турарлар. Мал чемин кышка белеткээр ажыл долузу-биле күүсеттинген деп санап болур» - деп, ол бодунуң блогунда бижээн. Мира КОНГУЛ-ООЛ Тыванын аныяктары/Молодежь Тувы