Тергиин кыргыкчылар Сүт-Хөл кожуунда
«Тергиин кыргыкчы-2026» республика чергелиг мөөрейге Сүт-Хөл кожууннуң командазы тиилекчи болганын чагырга чери дыңнаткан.
Сүт-Хөлдүң командазынче бичиизинден-не хой кыргып чаңчыккан ызыгуур салгаан малчыннар – Саяна Ондар, Хеймер Шыырап, Ай-Херел Ондар кирген.
Кара-Чыраа суму чагыргазының даргазы Ай-Херел Ондар эр улус аразынга хол хачызы-биле хой кыргааш, бирги черни чаалап алган. Херээжен улус база эки түңнелдерни көргүскен.
Тиилекчи команданың шаңналы – 100 000 рубль. Тергиин кыргыкчыларга база акша шаңналдарын тывыскан.
Кыргыкчылар мөөрейин ТР-ниң Көдээ ажыл-агый яамызы Тываның күрүне университеди-биле кады эрттирген.
Чурук болгаш медээ ТМГ
