Төрээн Тывавыстың Маадырларынга

Ада-чурт камгалакчыларының хүнүн уткуштур тускай шериг операциязында киржип чоруур эрес-дидим тыва дайынчыларга байыр чедирип тур мен. Шериг албан-хүлээлгезинге ак орукту, кадык-чаагай чанып кээрин күзевишаан, чаңгыс чер чурттугларывыстың маадырлыг чоруктары дээш четтиргенимни илередир-дир мен. Тыва дайынчылар, Силер бистиң республикавыстың чоргааралы база Маадырлары-дыр силер. Шупту аныяк салгал, школачылар силерниң эрес-дидим чорууңарга чоргаарланып чоруур. Бистерге үлегер-чижектиг Маадырлар-дыр силер! Февраль 23 байырлалын таварыштыр шупту тыва дайынчыларга кадыкшылды, дайзыннарның аткан огу дегбес болурун күзеп тур мен! Тензин Кенден. Кызылдың 9 дугаар гимназиязының 7 «в» клазының өөреникчизи. «Элээди журналист» бөлгүмү