Светлана Сендажы: хам чаяалга салгал дамчып кээр

«Дүңгүр» I-ги тыва хамнарның фестивалы "Алдын-Булак" этнокультурлуг комплекске июнь 20-ден 22-ге чедир болур. «Дүңгүр» - онзагай хемчег. Аңаа Россияның хамнары чыглып, мастер-класттарны көргүспүшаан, ус-тывыш ярмарказын делгээр. Оон аңгыда хамнар-биле дорт харылзаа кымны-даа сонуургадып болур. #Тываның_аныяктары солуннуң кол редактору Мира Конгул-оол Тывада Хамнарның фестивалының база бир организакчыларының бирээзи, республиканың Дээди хамының оралакчызы, хам чаяакчы, «Чеди хамнар салгалы» хамнар ниитилелиниң удуртукчузу Светлана Сендажы-биле ужуражып чугаалашкан. - Светлана Светлововна, бодуңарның дугайында таныштырып көрүңерем. - Сүт-Хөл кожууннуң Кара-Чыраа суурга өскен мен. Аңаа школаны дооскан. Ооң соонда эмчи училищезин дооскаш, колдуунда эмнелгелерге эмчи сестразы кылдыр ажылдап чордум. - Номчукчуну бир дугаар сонуургадыр айтырыг: канчап хам апарган силер? - Бичиимден тура чүве эндевес чораан мен. Ынчалза-даа аныяк чылдарымда ол дуглалып, катап ажыттынып чораан. Сөөлгү чылдарда эмнээшкин күш-культуразы деп курс дооскаш, уругларның кадыкшылга төвүнге кадыы багай уругларны эмнеп турдум. Материалды долузу-биле #тыванын_аныяктары солуннуң июнь айда үндүрүлгезинден номчуп болур.