Өрт-камгалал кезээниң дыңнатканы-биле алырга, ноябрь айда Кызыл кожуунга 2 өрт халавы болган. Ниитизи-биле бо чылдың эгезинден тура, 88 өрт айыылы бүрүткеттинген.
Кызыл районнуң Өрт-камгалал кезээниң ажылдакчылары чурттакчы чонга профилактиктиг ажылдарны чорудуп, өртке хамаарыштыр негелделерни тайылбырлап турар. 2021 чылдың эгезинден бээр суугу одаар бажыңнарже кожууннуң чагырга чериниң база иштики херектер органнарының ажылдакчылары-биле кады шупту 120 үнүүшкүшкүннү кылган. Рейдилер үезинде 505 чуртталга бажыңын кезээш, 2337 хамаатыга инструкцияны чоруткан.
Чурттакчы чон боттарының кадыкшылын, амы-тынын камгалаарынга, эт-хөреңгизи бүдүн-бүрүн болурунга сонуургалдыг болуру чугула. Ынчангаш өрт айыыл-халавы бир дугаарында хамааты кижиниң кичээнгейлиг чоруундан кол хамаарылгалыг.
#өртайыылы #тыванын_аныяктары
