Студентилер кинолог полицейжилерниң ажыл-ижи-биле танышкан

ТР-ниң ИХЯ-зының парлалга албанының дыңнадып турары-биле алырга, полиция ажылдакчылары Кызылдың эрге-хоойлу болгаш экономика техникумунуң студентилеринге экскурсияны чоруткан. Студентилер полиция ажылдакчыларының эң-не бердинген бүзүрелдиг эштери, ажылчын ыттар-биле, таныжар аргалыг болган. Кинологтуг төптүң ажылдакчылары Аяс Сарыглар, Начын Хомушку база Павел Петров ажыл-албан ыттарын канчаар өөредип турарын, кандыг байдалдарга таваржып болурун аныяк-өскенге таныштырган. Аныяктар изиг күзелдии-биле Карма болгаш Рекс-биле танышканнар. Кинологтар тускай аргаларны көргүскен. Эң ылаңгыя 5 айлыг Найданы олар аажок сонуургаан. Тыванын аныяктары/Молодежь Тувы