Студенчи общежитиелер ортузунга мөөрей чарлаттынган

ТывКУ-нуң парлалга албанының дыңнадып турары-биле алырга, студенчи ниити чуртталга бажыңнарының аразында чыл санында эртип турар «Мой дом – мое общежитие» декада чарлаттынган. Бо чылын декада ноябрь 11-14 хүннеринде эртер. Мөөрей 4 аңгы чадалыг: I чада – «Мой дом – мое общежитие» деп темага хана-солуннар мөөрейи. II этап – баскетбол болгаш хол бөмбүүнге спортчу маргылдаалар. III этап – общежитиелерже үнүүшкүннер. IV этап – амгы үениң танцы-самынга мөөрей. Бо чылдың ноябрь 14-те кол өөредилге корпузунуң хуралдаар залынга, 15.00 шакта, декаданы түңнээр.