Силерниң үнүңер чугула бооп болур

Чурттуң хамаатылары бодунуң төрээн чериниң чаагайжыдылгазы дээш үнүн берип болур. Ол талазы-биле онлайн-бадылаашкын эгелээнин сагындыраал. Кызыл хоорайның чурттакчыларынга "Мээң найысылалым" аныяктарның хөй-ниити организациязының эки турачылары "Хоорай хүрээлеңин чурттаарынга таарымчалыг кылдыр хевирлээри" федералдыг программа езугаар онлайн-бадылаашкын дугайында буклеттерни үлээн. "Ниитизи-биле 150 хире буклетти үледивис. Кызылчылар боттарының чурттап турар девискээринде кайы-бир объектиниң чаагайжыдылгазы дээш үнүн берип болур" - деп, эки турачылар "ТА"-ның корреспондентизинге дыңнаткан. Бадылаашкын апрель 15-те эгелээн болгаш, май 31-де төнер. Ону даразында шөлүлгеден көрүп болур: https://17.gorodsreda.ru. А. Нан-Хоо. #нацпроекты