Сибирь язвазындан аараан

Тываның чурттакчызын сибирь язвазындан аараан деп каразып турар. Ол Барыын-Хемчик кожууннуң Бижиктиг-Хая суурундан, ынчангаш ук девискээрге айыылдыг аарыг өөскүвезин дээш карантинни чарлаанын Тываның Баштыңының хүлээлгезин түр күүседип турар *https://vk.com/vladislavkhovalyg (Владислав Ховалыг) дыңнаткан. «Амгы үеде аарыг кижи херек ужурлуг эмчи дузазын ап турар. Язва кеш аарыының хевиринде илереттинген. Ооң-биле харылзажып турган кижилерниң байдалын эмчилер хынап турар» - деп, ол бодунуң социал четкилерде арнында бижээн. Аарыгның тыптып келгенин тодарадып тывары-биле ведомстволар аразында комиссия ажылын эгелээн. Ооң-биле чергелештир сибирь язвазының үнген черин чок кылыры-биле ветеринарлыг хемчеглерни чорудуп турар. Комиссияның ажылы доостурга, шын түңнелди үндүрер. #тыванын_аныяктары #сибирьязвазы #кадыкшыл #бижиктигхая