2022 чылда Улусчу чогаадылга бажыңынга IV-кү “Ийи сылдыс” вокалдыг шоу-мөөрей эртер. Амгы үеде киржикчилерни шилип турар. Бо хүнге чедир 30 кижи шоу-мөөрейге киржир күзелин илереткен.
Оларның аразында янзы-бүрү мергежилдерниң кижилери, билдингир артистер, тыва эстраданың ыраажылары бар. Амдыызында чүгле 15 эжеш ыраажылар чыылган.
Тыванын аныяктары/Молодежь Тувы солуннуң редакциязы дөрткү мөөрейге билдингир спортчулар, хууда сайгарлыкчылар, аныяктар херээниң талазы-биле специалистер, журналистер дээш оон-даа өскелер киржирин билип алган.
Шоунуң киржикчилери декабрь 10-дан 16-га чедир тускай график езугаар репетициялап эгелээр. Декабрь 17-де репетицияны түңнээр.
Декабрь 18-те Улусчу чогаадылга бажыңынга 16.00 шакта шоу-мөөрейни видеога тырттырар. Шоуну декабрь 31-ден эгелээш, Boomstream платформага төлевирлиг үндезинге көрүп болур. Код езугаар январь 8-тиң 23.59 шакка чедир көрүп болур.
Январь 28-те 18 шакта сценага 25% көрүкчүлерлиг залга шаңналдарны байырлыг байдалга тыпсыр болгаш гала-концерт болурун Улусчу чогаадылга бажыңының ажылдакчылары дыңнаткан.
#двезвезды #шоу-конкурс
#тыванын_аныяктары #культура
