«Шолбан-Ак» лагериниң ажыдыышкыны: уругларның арын-шырайы аас-кежик болгаш магадаашкын-биле долган

Барыын-Хемчик кожууннуң бойдус-чурумалдыг черинде «Шолбан-Ак» уругларның кадыкшылга лагериниң ажыдыышкыны уттундурбас солун болуп эрткенин регионнуң Өөредилге яамызы дыңнаткан. «Шолбан-Ак» стационарлыг лагерьниң бирги ээлчээниң ажыдыышкыны 60 хире аас-кежиктиг уруглар, оолдарга кайгамчыктыг болуушкун болуп артар. Лагерьниң байырлыг ажыдыышкынында кожууннуң экономика талазы-биле оралакчы даргазы А.А. Сарыглар, өөредилге эргелелиниң начальниги С.А. Ооржак уругларга эң-не чылыг-чымчак сөстерни чугаалап, быжыг найыралды, хүннүң херелдери шонуп турар чайгы хүннерни күзээннер. Ооң соонда сцена дирлип үнген: лагерьниң вожатыйларындан тургустунган «Шолбанята» ансамбльдың сеткил хайныышкынныг көргүзүү хамыкты хаара туткан. Оларның хөглүг ырлары долгандыр улустуң хей-аъдын көдүрген. Уруглар хөглүг ырыларны күүседип, танцылап, катаптаттынмас байырланчыг байдалды тургусканнар. Ыры-сам бүрүзү өөрүшкү болгаш чүректиң ханызындан үнүп турган. Көрүкчүлерниң адыш часкаашкыннары диңмиреп, уругларның арын-шырайы аас-кежик болгаш магадаашкын-биле долган. Бо чылдың июнь 16-да «Шолбан-Ак» стационарлыг лагерьниң бирги ээлчээниң ажыдыышкыны анаа-ла байырлал эвес, а езулуг-ла салым-чаяанныгларның шоу-көргүзүү болуп, кайгамчыктыг, интерактивтиг ужуражылга болган. Ол хүнден эгелээш, «Шолбан-Ак» лагеринде дыштанып келген уруглар ужуралдарның, найыралдың, уттундурбас болуушкуннарның делегейинче шымныгып кирген. #лок2025 #лагерятувы #детскийотдых